IX. INTXIXU TRAIL, 2024ko ekainaren 9an

Kaixo denei,

IX. Intxixu Trail 2024ko ekainaren 9an ospatuko da.

Izen-emateak laster irekiko dira www.herrikrosa.eus-en.

Laster izango dugu kartela prest, eta eskura izan bezain pronto zabalduko dugu.

Animatu eta Oiartzunen ikusiko gara!

Intxi Trail - Oiartzungo Mendi Lasteketako antolakuntza taldea.

Josu Urrestarazu eta Olatz Zabala nagusitu dira VIII. Intxixu Trailen

Igandean, ekainak 4, Oiartzunen ospatutako Intxixu Traileko parte hartzaile, laguntzaile, bolondres eta ikusle guztiei gure eskerrik beroenak eman nahi dizkiegu!

Guztira 218 partaide izan dira, eta atera ez direnak eta bukatu ez dutenak kontuan hartuta, guztira 190 korrikalarik gainditu dute Uztapide plazako helmuga arkua.

Ondorengoak izan dira lasterketako lehen sailkatuak maila bakoitzean (www.herrikrosa.eus-en sailkapen guztiak):

VIII. Intxixu Trail (190 sailkatu):

1. Josu Urrestarazu Garcia 1:17:59 eta Olatz Zabala Dominguez 1:37:44
2. Hodei Lujanbio Apezetxea 1:19:26 eta Iratxe Etxegoien Errandonea 1:38:52
3. Jokin Arretxea Lastiri 1:21:23 eta Nerea Amilibia Arruti  1:40:00

 

  

Lehen oiartzuarrak: Mattin Odriozola Ibarguren(5., 1:24:43) eta Jaione Galdos Kazabon (95., 8. emakumezkoa, 1:49:33)

 

 

 

Talde irabazlea: Kabronazos

 

 

Zorionak eta eskerrik asko denei! Hurrengo urtean ere espero zaituztegu!

 

 

Igandeko plangintza

EKAINAK 4 - ORDUTEGIAK

>8:30etatik 9:30etara  dortsal banaketa egingo da Uztapide plazan. Kontsigna ere bertan egongo da, nahi izanez gero motxila utzi dezazuen.

********Gogoratu aurten anoa postuetan ez dela edalontzirik egongo, baina korrikalariaren poltsan bat emango dizuegu, beraz nork berea eraman behar du********

********Gogoratu dortsala jasotzeko NANa ekartzeaz********

>10:00etan Intxixu Trail-i hasiera emango zaio Uztapide plazatik:
  -16 km. - 901 m. D+
  -7 hornidura gune, helmugakoa barne (5 likido eta 2 solido eta likido)
  -Lasterketa osatzeko gehienezko denbora 3 ordukoa izango da.

>11:15 inguruan Intxixu Trail-eko lehen korrikalariaren iritsiera espero da.

>13:00etan (edo lehenago azken korrikalaria iritsi bada) sari banaketa egingo da eta ondoren denentzako (korrikalari zein ikusle) luntxa emango da.

 

KOTXEA

Irteera eta helmuga puntua Oiartzungo Ergoien auzoko Uztapide plazan egongo dira (Tolare Jatetxea eta Pagoa Aretoaren artean).

Halaber, autobideko Oiartzungo irteeran (Donostia, Bilbo, Gasteiz edo Iruñatik datozenentzat eta Irun edo Baionatik datozenentzat) eta N1eko Oiartzungo sarreran (Arragua auzoan) seinaleak egongo dira lasterketa gunera nola iritsi adieraziz. Non aparkatu adieraziz ere kartelak egongo dira behin Ergoien auzora iritsita (Pagoaldea industria gunean utzi beharko duzu kotxea, egin kasu seinaleei mesedez).

 

DUTXAK

Dutxatu nahi duenak Elorsoro Kiroldegia erabili ahal izango du (dortsala erakustea nahikoa izango da bertara sartzeko).

 

ZAINDU MENDIA

Mendia gustuko dugu, baina zaborrik gabe. Gainera, lasterketa Aiako Harria Parke Naturalean zehar egingo da, beraz, ingurune babestua da. Ondorioz, debekatuta dago zaborrak lurrera botatzea. Gelak, barritak... hartuz gero, beterik poltsikoan eraman dituzun bezalaxe, hustuta daudenean ere poltsikoan gorde. Edo bestela, hornidura guneetan egongo diren zaborrontzietara iristera itxaron botatzeko. Arau honekin zorrotzak izango gara, eta norbait zerbait lurrera botatzen ikusiz gero, zuzenean lasterketatik kanpo geratuko da. Hau ez gertatzea espero dugu, trago txarra izango bailitzateke bai guretzat eta baita kaleratuarentzat ere, beraz, zuregan konfiantza osoa dugu. Zaindu dezagun mendia!

 

Babesleak

Laguntzaileak