Koronabirusa: oraingoz Intxixu Trailen data ekainaren 7rako mantentzen da

Intxixu Trail ospatzeko ia 3 hilabeta falta diren honetan, adierazi nahi dizuegu gu ere adi gaudela azken asteetan mundua aztoratzen ari den COVID-19 koronabirusak eragindago berrietara.

Oraingoz ez gara horretan pentsatzen ari, baina data gerturatzean egoerak lasterketa ospatzea galeraziko baligu, pentsatuko genuke zer egin: atzeratu edo bertan behera utzi eta izena emandako guztiei eskainiko genizueke data berrian izen ematea mantentzeko edo dirua itzultzeko aukera.

Baina printzipioz, gure lasterketarengan ez duela eraginik izango dirudi, beraz lasai eman dezakezue izena ekainaren 7an Oiartzunen ospatzekoa den VII. Intxixu Trail Mendi Lasterketarako.

Bide batez, beraien lasterketa bertan behera utzi beharrean aurkitzen ari diren antolakuntza talde guztiei gure animoak luzatu nahi dizkiegu, ez du eta erraza izan behar egoerak.

Intxi Trail - Oiartzungo Mendi Lasteketako antolakuntza taldea.

VII. Intxixu Trail 2020-06-07an, Kedada eta izen emateak 2020-03-07an

2020ko ekinaren 7an ospatuko da VII. Intxixu Trail Oiartzunen eta justu 3 hilabete lehenago, martxoaren 7an goizeko 9tan Kedada antolatu dugu nahi duzuen guztiek ibilbidea ezagutu ahal izateko (Ergoien auzoko Uztapide plazatik aterako gara, lasterketa hasi eta bukatzen den lekutik). Ondoren, eguerdiko 12etan, izen emateak irekiko dira www.herrikrosa.eus webgunean.

 

 Gainera, martxoko lehen astean, Kirol Astea ospatzen da Oiartzunen, eta larunbateko (martxoak 7) Kedadaz gain, asteazkenean (martxoak 4) arratsaldeko 18:00etan ere haurrentzat irteeratxo bat prestatu dugu mendi lasterketak zer diren ezagutu dezaten. Animatu!!

Martxel Bereau eta Lurdes Oiartzabal nagusitu dira VI. Intxixu Trailen

Larunbatean Oiartzunen ospatutako Intxixu Traileko parte hartzaile, laguntzaile, bolondres eta ikusle guztiei gure eskerrik beroenak eman nahi dizkiegu!

Guztira 262 partaide izan dira, eta atera ez direnak eta bukatu ez dutenak kontuan hartuta, guztira 228 korrikalarik gainditu dute Uztapide plazako helmuga arkua.

Ondorengoak izan dira lasterketako lehen sailkatuak maila bakoitzean (www.herrikrosa.eus-en sailkapen guztiak):

VI. Intxixu Trail (228 sailkatu):

1. Martxel Bereau Baleztena 1:19:22 eta Lurdes Oiartzabal Etxeberria 1:33:06
2. Hodei Lujanbio Apezetxea 1:20:37 eta Ainara Uribarri Martinez 1:35:39
3. Diego Pascual Alcalde 1:20:58 eta Alizia Olazabal Donato de Lopez 1:36:57

  

Lehen oiartzuarrak: Imanol Arbelaitz Urretabizkaia (20., 1:30:43) eta Maitane Toledo Lardi (106., 11. emakumezkoa, 1:50:12)

 

 

Talde irabazlea: Intxixu Trail - Girizia Mendi Lasterketa Taldea

 

 

Zorionak eta eskerrik asko denei! Hurrengo urtean ere espero zaituztegu!

 

  

 

Babesleak

Laguntzaileak